Өз елімде із қалдырмай саяхаттаймын

17 маусымда Қарқаралы ауданының ұлттық табиғи паркінің «Үш үңгір» кешенінде волонтерлер тазалық жұмыстарын жүргізді.

Қоғам белсендісі Рахымбек Дәурен: «Біздің табиғатымыз әсем, көркем деп әрдайым мақтанамыз. Бірақ Қарқаралы қаласының тұрғындары және де қонақтарымыз осындай іс-әрекеттер арқылы табиғаттың көркіне зиян келтіруде деп айта аламыз. Бүгінгі күні осы табиғатты дәл қаз-қалпында сақтап келешек ұрпаққа жеткізу ол — біздің тікелей міндетіміз деп білеміз», — деп  үндеу тастады.

Отанымыздағы туризм саласының дамуы көңіл қуантары сөзсіз. Алайда тарихы тереңге жайылған көненің көздеріне жауапкершілікпен қарасақ еліміздің көркеюіне атсалысар едік.

(Видео @dauren_09kz  инстаграм парақшасынан алынды)

Қарақат Бердалықызы,

І.Үргенішбаев атындағы орта мектептің

11-сынып оқушысы

Шалқар ауданы

Ақтөбе облысы