27 сәуір күні Алдабергенов атындағы орта мектебінде тәрбие жұмысы бойынша «Оқушыларды азаматтық-патриоттық тәрбиелеу: Іздеу, идеялар, механизмдер» тақырыбында облыстық семинар өтті. Семинарға облыстық білім басқармасының тәрбие жұмысы бөлімінің бастығы А.Үшкемпірова, аудандық білім бөлімінің мамандары, Көксу, Кербұлақ, Қаратал, Ақсу, Ескелді аудандары, Талдықорған және Текелі қалаларының мектеп директорларының тәрбие жұмысы жөніндегі орынбасарлары қатысты. Семинар мұғалімдердің әдістемелік шеберлігін арттыру және оқушылар арасында қазақстандық патриотизмді қалыптастыру бойынша тәжірибе алмасу мақсатында өткізілді. Алдабергенов атындағы ОМ-нің ТЖ бойынша директор орынбасарлары А.Татубаева, А.Шоқпаров қатысушылармен «Патриотты қалай тәрбиелеу керек?» тақырыбында диалог алаңы өткізіліп, қатысушылар осы тақырып бойынша өз пікірін білдіруге мүмкіндік алды. 10 сынып жетекшісі Е.Степаненко «Тұлғаны тәрбиелеу» тақырыбында ашық сынып сағатын көрсетті.
Семинар барысында педагог-психолог М.Ли психологиялық жаттығу өткізді.
«Жексо» технологиясы арқылы семинарға қатысушылар сынып жетекшілерінің әдістемелік бірлестігінің, балалар өзін-өзі басқару және шығармашылық, пікірталас қозғалысы, оқу мектебі, ата-аналар комитетінің қызметімен танысты.
Мектеп оқушылары «Менің кіші Отаным Қарабұлақ», «Еріктілер қозғалысы», «Театр сабақтары» жобаларын ұсынды.
А.Байтұрсыновтың 150 жылдығына арналған әдеби кеште оқушылар өздері шығарған өлеңдері, театрландырылған қойылым және оқуларын ұсынды.
Қонақтар үшін мектеп оқушылары концерт дайындады.
Семинар соңында рефлексия жүргізілді.
Ескелді ауданы бойынша білім бөлімі