«Nur Otan» партиясы Ескелді аудандық филиалы тарапынан аудан тұрғындарын тиісті дәрі-дәрмектермен сапалы қамтамасыз ету және сатып алу бағасын бақылау мақсатында аудандық мәслихат хатшысы Қ.Алпысбаев, «Nur Otan» партиясы Ескелді аудандық филиалы төрағасының бірінші орынбасары Д. Идрисов, аудандық филиалының консультанты Ж. Болатқызы, Қарабұлақ ауылдық округі әкімдігінің өкілі Э. Көмекова құрамында аудан аумағындағы дәріханаларға мониторинг жүргізілді.
Мониторинг барысында дәрі-дәрмектердің негізгі 60 түрі бойынша бағалары белгіленген көрсеткіштерден аспағандығы және біраз дәрілердің сатылымда жоқ екендігі анықталды.
Қорытындысы бойынша мониторинг тобы тарапынан аудандағы дәріханаларды қамтитын барлық жеке кәсіпкерлерге: дәрілік заттарды, медициналық маскалар мен медициналық термометрлерді, дәрі-дәрмектерді сату кезінде бекітілген бағалардың сақталуын бақылау, мүмкіндігі шектеулі азаматтарға арналған дәріханаға кіре берісте қоңырау және ҚНжЕ талаптарына сәйкес пандустардың сапалы орнатылуын қатаң бақылауға алу қажет екендігі туралы ескертілді.