ҰБТ 2020 — қорытынды

Аудандық білім бөлімінің ұйымдастыруымен 2020 жылғы Ұлттық Бірыңғай Тестілеудің қорытындысы бойынша мектеп директорларымен және оқу ісі жөніндегі орынбасарларымен бейне байланыс арқылы кеңес өткізілді.

Кеңес барысында бөлім басшысы М.Бектуров атқарылған іс-шаралармен таныстырып өтті.

Тестілеу 27-30 маусым аралығында Талдықорған қаласындағы І.Жансүгіров атындағы Жетісу Мемлекеттік Университетінде өткізілді. Түлектер ҰБТ-ге 6 мектеп автобусымен,1 спринтермен тасымалданды. Әр автобуста медициналық қызметкерлер отырды.Автобустар алғашқы медициналық көмек көрсету құралдарымен жабдықталды.

Аудандық полиция бөлімінің жол-патрульдік машиналары оқушыларды кестеге сәйкес алып барып, алып қайтуды ұйымдастырды.

Оқушыларға таңғы және түскі ас ұйымдастырылды. Жетісу Мемлекеттік Университетінде түлектерді коронавирус

инфекциясынан қорғау үшін 5 шара қолданылды:

Тест тапсырушылар зарарсыздандыру тоннелінен өткізілді;

Олардың аяқкиімі арнайы зарарсыздандыру кілемшелерімен өңделді;

Түлектердің қолын санитайзермен тазалау ұйымдастырылды;

Олардың дене қызуы өлшенді;

ҰБТ-ға қатысушыларға бір реттік медицина маскасы таратылды.

Тестілеу барысында аудиторияның 50 пайызы ғана толы болды. Тестілеуге кіру кезі мен сынақ барысында талапкерлердің арасында 2 метр қашықтық сақталды.

Биыл алғаш рет электрондық үкімет базасы арқылы адамның бет-әлпетін анықтау құрылғысы — Face ID көмегімен тұлғаны сәйкестендіру тәсілі- қолданылды. Сонымен қатар осы жылы талапкерлер үшін калькулятор пайдалануға рұқсат етілді.Тестілеу уақыты ұзартылып, түлектер қорытынды мектеп емтиханынан босатылды.

2019-2020 оқу жылында 11-сыныпты 422 оқушы аяқтады. Ұлттық Бірыңғай Тестілеуге қатысуға 280 оқушы өтініш берді, бұл 66,3 пайызды құрады.

Аудан бойынша 23 оқушы 100-ден жоғары балл жинады.Ең жоғары 120 балды Қарабұлақ орта мектебінің оқушысы Балтабаева Айым иеленді.

Енді ауданымыздың түлектері мемлекеттік білім грантын жеңіп алу үшін конкурсқа қатысады.Ендігі міндет -мектеп түлектерінің дұрыс таңдау жасауы.

Ескелді ауданының білім бөлімі.