Бүгінгі референдумда Қарабұлақ ауылының 106 жастағы тұрғыны Нұрбала Қабанбаева өз таңдауын жасап, дауыс берді. Ғасырдан асқан ғұмыр иесі ел өміріндегі маңызды сәттен шет қалмай, жас ұрпаққа үлкен үлгі көрсетті.
Нұрбала апайдың айтуынша, әрбір азаматтың дауысы – ел болашағы үшін маңызды. Ол өмір бойы қоғамдық істерге бейжай қарамай, әр сайлау мен маңызды шешімдерде өз пікірін білдіріп келгенін айтты.
«Мен әрдайым дауыс беруге асығамын. Өмір бойы түсінгенім – әр дауыс ауылымыз бен еліміздің болашағына қосылған үлес. Жастар да өз ойларын ашық айтып, ел тағдырына бейжай қарамаса екен», – дейді Нұрбала апай.
Осындай игі қадам арқылы Нұрбала әже барша тұрғындарды белсенді болуға, ел болашағына жауапкершілікпен қарауға шақырды. Әр дауыс – маңызды!