Заман талабына сай білім бере отырып, оқушы бойында танымдық қабілетін дамыту – бүгінгі таңда ұстаз үшін үлкен жауапты іс. «Тегінде адам баласы адам баласынан ақыл, білім, ар, мінез деген қасиеттерімен озады» деген ұлы Абай. Ұлы ақын сөзі еш уақытта өз мәнін жойған емес. Озық ойлы білімді адамдар заманның дамуына өз үлесін қосады.
Әрбір жеке тұлғаның болашағы өзі оқыған мектебінде айқындалады. Ертең осы елге ие болып, тәуелсіз еліміздің тізгінін ұстар азаматтар – бүгінгі мектеп оқушылары. Мектеп оқушыларының ішінде қазіргі заман талабына сай, ой-өрістері кең, дарынды, шығармашылық қабілеттері бар оқушылар көп. Әрбір жеке тұлғаның бойында өнерге, шығармашылыққа, спортқа деген ынтасы, дарыны болады. Соның нәтижесін көрсетіп отырған Ш.Уәлиханов атындағы орта мектеп – гимназиясының 8 «А» сынып оқушысы Әбдіғали Кәусарды мақтанышпен айта аламыз. Әбдіғали Кәусар «EL Umiti Talent» 8-сынып оқушылары арасында физика пәні бойынша өткен республикалық олимпиаданың 3 дәрежелі диплом иегері атанды. Жетекшісі – Сейтбаева Майра Қыдырмолдақызы. Кәусарды ұстазы Майра Қыдырмолдақызы олимпиадаға жауапкершілікпен дайындаған, білімді, білікті ұстаздардың бірі.
Жүлделі орынды иеленіп келген Кәусардың әлі талай биіктерден көрінетініне сенімдіміз.
Қорыта айтқанда, мектебімізде «Жүзден жүйрік, мыңнан тұлпар» атанған дарынды оқушыларымыз жеткілікті. Олай болса, осындай шәкірттеріміздің болашақта білімнің биік шыңын бағындыратынына сеніміміз мол. Дарынды оқушы – ұлт болашағы екені даусыз.
Д.Занигинова,
Аудандық әдістемелік
орталығының әдіскері