Дәулетхан Нұржан 20.04.1986 жылы дүниеге келген. Ескелді ауданы, Қарабұлақ ауылының тұрғыны. Көпбалалы ана, 4 баласы бар. 2018 жылдан бастап атаулы әлеуметтік көмек алады. 2021-2022 жылдар аралығында жұмыспен қамту орталығының бағдарламасы арқылы кондитер мамандығына 10 айлық тегін оқу оқып, дипломын алды. 2020 жылы жолдасы Дәулет Әділбек осы бағдарлама арқылы аспазшы мамандығына 3 айлық курс оқып, қазір сол мамандық бойынша жұмыс жасап жатыр.
Қазіргі уақытта қажетті құрал жабдықтарын алып, өз кәсібін бастады. Әр түрлі бәліштер (торт), бауырсақ, өрілген нанға тапсырыс қабылдап, пісіріп сатады. Осылайша жұмыспен қамту орталығы қарапайым халыққа тегін курстар оқып, өз кәсібін дөңгелетуге мүмкіндіктер береді.
Еңбек етпей –елге өкпелеме ,
Егін екпей –жерге өкпелеме демекші, үйдің күйбен тіршілігіне қарамастан, адал еңбегімен қосымша табыс тауып, бала-шағасын асырап отырған Нұржанға сәттілік, жұмысының алға басуын тілейміз.
К. Кудьяров,
Жұмыспен қамту орталығының директоры