23 мыңнан астам медицина маманы екпе алды

Жыл басынан бері Алматы облысына вакцинаның 1 компонентінің 634 255 дозасы келіп түсті, оның ішінде — Гам ковидак – 553 745, Хayat Vax-39 500, QazVac-13 010, Коронавак-28000
Бірінші компонентпен 566 973 адам егілді, екіншісін 416 692 тұрғын қабылдады. Вакциналанғандар арасында – мемлекеттік қызметкерлер – 11 930, медицина қызметкерлері – 23 397, педагогтар – 38 292, БАҚ-199, созылмалы аурулары бар адамдар (қант диабеті, өкпенің созылмалы обструктивті ауруы, жүрек – қантамыр жүйесі) – 4394 және басқа да қызмет салаларының өкілдері-442 581 адам.
Өкінішке қарай, Алматы облысында індет өршуде. Бүгінгі күні КВИ өсу қарқыны соңғы 2 аптада 0,8% — дан 1,0% — ға дейін артты. Соңғы аптада ең жоғары өсу қарқыны Алакөл — 1,7%, Балқаш — 1,2%, Ескелді — 1,4%, Іле — 1,0%, Қарасай — 1,8%, Қаратал — 1,3%, Кербұлақ — 1,4%, Райымбек — 1,1%, Сарқан — 1,2% аудандарында және Қапшағай қаласында-1,2% байқалады.
Айта кетейік, соңғы тәулікте 320 адам коронавирусқа шалдыққан.