Баршаңызды адамзат баласын ізгілікке, мейірім мен бауырмалдыққа үндейтін қасиетті Құрбан айт мерекесімен шын жүректен құттықтаймын!
Құрбан айт – мұсылман үмбетінің ынтымағы мен бірлігін арттыратын, жүректерге иман нұрын себетін ұлық мейрам. Бұл күндері халқымыз ата-баба дәстүрін жаңғыртып, мұқтаж жандарға қол ұшын созып, ағайын-туыспен арадағы сыйластықты нығайтады. Құрбан шалу арқылы Алла Тағалаға жақындап, шүкіршілік пен сабырдың, кеңпейілділік пен жанашырлықтың үлгісін көрсетеміз.
Қасиетті айт мерекесі – татулық пен берекенің, кешірім мен мейірімнің мерекесі. Осындай рухани маңызы зор күндерде жасаған барша ізгі амалдарымыз, дұға-тілектеріміз қабыл болғай. Әр шаңыраққа амандық, бақ-береке, ырыс пен ынтымақ тілеймін.
Алла Тағала еліміздің тыныштығын, жұртымыздың бірлігін нығайтып, әр отбасына қуаныш пен шаттық нәсіп етсін. Құрбандықтарыңыз, дұға-тілектеріңіз қабыл болып, дендеріңізге саулық, істеріңізге береке берсін!
Қасиетті Құрбан айт мерекесі құтты болсын!
Айт қабыл болсын!
Архынов Айдос Кәкенұлы,
Ескелді ауданының бас имамы.