31 қазан күні еліміздің барлық қалаларында және ірі елді мекендерінде «Халықтық заңгер» атты жалпыұлттық акция өтеді. Акция аясында кез келген азамат өзіне қызықты сұрақты қойып, мамандардан тегін кәсіби кеңес ала алады.
Азаматтардың сұрақтарына танымал заңгерлер, заң консультанттары, нотариустар, прокурорлар, полицейлер, сот орындаушылары, мемлекеттік органдардың басшылары және өзге де сарапшылар жауап береді.
Мәселенің тиімді шешілуі үшін ұйымдастырушылар азаматтарға өз істеріне қатысты құжаттарды бірге ала келуді ұсынады.
Әр өңірдегі кеңес беру орындарының толық тізімін және өткізілетін уақытын осы жерден көруге болады.
Ал бұған дейінгі жылдары өткен акциялар мен оған қатысқан мамандар туралы толығырақ ақпаратты да осы жерден оқуға болады.
Шараның ұйымдастырушылары – ҚР Бас прокуратурасы, ҚР Әділет министрлігі, мемлекеттік билік органдары, Zakon.kz ақпараттық порталы, PRG ақпараттық жүйесі, Prosud.kz онлайн-басылымы, сондай-ақ еліміздің үздік заңгерлері мен адвокаттары.
2016 жылдан 2025 жылға дейінгі аралықта бұл акцияға 10 000-нан астам сарапшы мен мемлекеттік орган басшылары қатысқан. Осы уақыт ішінде 400 000-нан астам қазақстандық тегін құқықтық көмек алған.
