Ескелді ауданының тұрғыны Жалғыз ағаш орта мектебінде орналасқан №109 сайлау учаскесіне 75 жастағы қария Аюбаев Мынбай дауыс берді. Қария ел үшін маңызды саяси науқандарда үнемі өз таңдауын үзбей жасап келген. Ақсақал халықты сайлау науқанымен құттықтап, батасын берді. Комиссия мүшелері мұнда сайлауға келуші тұрғындардың көп екенін атап өтті. Әсіресе, сайлаудың алғашқы сағаттарында қариялар да, жастар да саяси науқанға белсенді түрде ат салысуда.