8 наурыз Халықаралық әйелдер күні мерекесіне орай аудандық мәдениет үйінде 26 ақпан күні ауыл тұрғындары арасында аудандық «Екі жұлдыз-2024» ән байқауы өткізілді. Қарапайым ауыл тұрғындарын қос дауыста ән айтуға баулу, жаңа қырынан тану, өнерге деген қызығушылығын, біліктілігін арттыру мақсатында өткен өнер байқауына ауылдық округтерден 7 жұп қатысып, өнер көрсетті. Байқауға қатысушыларды өнер саласының мамандардан құрылған әділқазы алқалары бағалап өтті. Байқау қорытындысы бойынша жеңімпаздарға төмендегі марапаттаулар берілді.
III – орынмен Көкжазық ауылынан Байтурғанова Роза, Сафильдинова Динара,
II — орынмен Жалғызағаш ауылынан Сейіт Жандос, Мырзахметова Мадина,
I — орынмен Қайнарлы ауылынан Оразәлі Ардақ, Хабитан Гүлзипа,
Бас жүлдемен Жетісу ауылынан Нүрзипа Жұмақанқызы, Нұрбол Нөмірбайқызы марапатталды.
Байқау жеңімпаздарына аудандық мәдениет үйі тарапынан бағалы сыйлықтар мен Дипломдар табысталды.
Ардақ Шаймерденқызы
Аудандық мәдениет
үйінің әдіскері