Баламен үй жағдайында дене белсенділігін арттыруға арнлаған жаттығулар. Бұған жүру, жүгіру, секіру, лақтыру, өрмелеу, жерде бауырлап жорғалау, т.б. жатады. Осы көрсетілген қолданбалы жаттығулардың әрқайсысы-ның организмге тиімді әсерін тигізетіні белгілі. Әрбір жаттығу жай жүруден басталады. Көбінде жаттығумен өз бетінше үй жағдайында жасау барысында алдымен денемізді қыздырамыз.
Жүгіру — дене белсенділігін арттыратын негізгі жаттығулардың бірі. Ол ішкі ағзаларға, жүрек, өкпе, буындарға айтарлықтай күш түсіреді. Сол себепті жаттығуды баяу жүгіруден бастаймыз.
Секіру — арқылы адамның қимылдары үйлестіріледі, жылдамдығы артып, буын қимылдары реттеледі. Балаларға жіптен секіру не өкшені көтеріп селкілдеу ретінде беріледі.
Лақтыру – кішкене резина доптарды арнайы межеге лақтырады немесе үлкен доптарды балалар бір-біріне әрқилы жағдайда лақтырады (басынан жоғары, кеудеден, белден, сырт айналып оң не сол жағынан т.б.) Мұндай жаттығулар бұлшық еттерін жетілдіріп, буындардың қимылқозғалысын, дененің сезімталдығын арттырып, жүріс-тұрысын, тепе-теңдік қалпына келтіреді, көңілкүйді көтереді.
Өрмелеу – көлденең жазықтыққа, тік биіктікке, беткейге, сатыға, арқанға т.б. өрмелеу. Мұның барлығы дененің, әсіресе, аяқ-қолдың бұлшық еттерін ширатып, шынықтырып, қимыл- қозғалысын арттырады, тепе-теңдік қалыпты сақтайды.. Еңбектеу не бауырмен жылжу – омыртқа жотасының қимылын жақсартады.
Емдік дене шынықтырумен айналысу кезінде міндетті түрде мынадай қағидаттарды білу және ұстану қажет:
- Физикалық жүктеме біртіндеп ұлғаюы тиіс.
- Жаттығулардың түрлері мен қайталаулар саны белгіленетін күнделік жүргізу қажет, яғни тәртіп (режим) болуы міндетті.
- Гимнастика жасау барысында дұрыс тыныс алуы керек.
- Дененің қозғалысы көз алмасының қосалқы қозғалысымен бірге жүруі тиіс.
- Емдік дене шынықтырумен тамақтанғаннан кейін екі сағаттан кейін немесе тамақтанудан 30 минут бұрын айналысқан жөн.
- Қажетсіз міндеттерді алға қоюға болмайды. Нәтиже болмаса да қиындыққа мойымай, алға ұмытыла білу керек.
- Есіңізде болсын! Нәтиже тек еңбекпен және күнделікті жаттығулар арқылы келеді.
- Е.Бектемиров,
ЕДШ нұсқаушысы:
Ескелді ауданының «№8 психологиялық-педагогикалық түзеу кабинеті» ККМ
- Е.Бектемиров,