Бұл мереке біздің қоғамда өзінің өмір жолымен басқаларға үлгі болған, сондай-ақ адал еңбегімен, еліміздің өнеркәсіптік, ғылыми және мәдени әлеуетін қалыптастыруға қосқан үлесімен бүкіл жұрттың құрметіне ие болған адамдарға құрмет көрсету күні ретінде кеңінен таралды. Осы мерекелік күнге орай «AMANAT» партиясы Ескелді аудандық филиалының төрағасы Баяхан Айдын Ықыласұлы, аудандық мәслихат хатшысы Сатанов Қанат Нүсіпжанұлы, аудандық мәслихат депутаттары «Ардагерлерді ардақтайық» партиялық жобасы аясында, «Қарттарым — асыл қазынам» акциясын ұйымдастырды.
Акцияның басты мақсаты – егде жастағы адамдардың мемлекет пен қоғам алдындағы еңбегін құрметтеу және мойындау, сондай-ақ олардың проблемалары мен қажеттіліктеріне, өмір сүру сапасын арттыру қажеттілігіне назар аудару, оларға жалпыға бірдей қамқорлық көрсету, ұрпақтар арасындағы байланысты нығайту. Акция аясында ауданымыздың ардагерлерінің үйіне барып , мерекелерімен құтықтап азық-түлік себеттер табысталды.
Мұндай ізгілікті шараларға ардагерлер дән риза. Қарттарды қадірлеудің тамаша үлгісін көрсетіп жүрген «AMANAT» партиясының мүшелері алғыс алуды жалғастырып келеді. «Ардагерлерді ардақтайық!» жобасының аясында алдағы уақытта да қарияларға көмек көрсетілетін болады.