Ауыл тұрғындары мен мекеме қызметкерлерінің қос дауыста ән орындауға деген қызығушылығын арттыру, өнерлі жандарды жас ұрпаққа үлгі ету мақсатында 2023 жылдың 27 ақпан күні аудандық мәдениет үйінің ұйымдастыруымен мәдениет үйінде аудандық «Екі жұлдыз» ән байқауы өткізілді. Байқауға ауылдық округтерден 11 жұп қатысты. Байқауға қатысушы үміткерлерді білікті мамандардан құрылған әділқазы алқалары бағалап өтті.
Байқау қорытындысы бойынша III — орын жүлделерімен Ақын Сара ауылынан-жеке кәсіпкер Жұмабай Бағбан мен Ақын Сара ауылдық мәдениет үйінің көркемдік жетекшісі Ахмет Мақпал және Жалғызағаш ауылынан-жас өнерпаз Әбілмәжін Нұрсұлтан мен Жадайханов Ринат, II — орын жүлдесімен Көкжазық ауылынан Күншуақ балабақшасының тәрбиешісі Мамырбаева Гүлшат пен Көкжазық ауылдық мәдениет үйінің көркемдік жетекшісі Асылбеков Дәурен, I — орын жүлдесімен Бақтыбай ауылынан-Сәкен Сейфуллин орта мектебінің ағылшын пәнінің мұғалімі Мухамедова Меруерт пен Бақтыбай ауылдық мәдениет үйінің көркемдік жетекшісі Қызырова Қуаныш
Үздік орындаушылық шеберліктері үшін Бас жүлдемен Сырымбет ауылынан- Наджитова Альбина мен ауылдық мәдениет үйінің көркемдік жетекшісі Мұқажанов Қайрат марапатталды.
Жүлделі орын алған қатысушы жеңімпаздарға аудандық мәдениет үйі тарапынан бағалы сыйлықтар мен Дипломдар табысталды.
А.Комекова,
Аудандық мәдениет
үйінің әдіскері