«ҚР кейбір заңнамалық актілерге ақпаратқа қол жеткізу және қоғамдық қатысу мәселелері бойынша өзгерістер мен толықтырулар енгізу туралы» Заң жобасын әзірлеу жөніндегі жұмыс тобының үшінші отырысы өтті.
Отырыс аясында жұмыс тобының мүшелері мына мәселелерді талқылады.
• Қоршаған ортаны қорғау саласындағы уәкілетті органның және жергілікті атқарушы органдардың интернет-ресурстарындағы есептердің жобаларына, сондай-ақ, мемлекеттік экологиялық сараптаманың қорытындыларына (уақыт бойынша) ешқандай шектеусіз қолжетімділік жасау (қазір құжаттар 30 күнге жарияланады);
• қоғамдық тыңдауларды отырыстар негізінде ғана емес, интернет-конференциялар түрінде де өткізу;
• құрамында полихлордифенил бар жабдықтарды есепке алу тізілімін ашық қолжетімділікте жариялау;
• жергілікті атқарушы органдарға суды пайдалану жөніндегі ақпаратты тұрақты түрде орналастырып тұруды міндеттеу.
Сонымен бірге мүгедектігі бар адамдардың өкілдері мемлекеттік тілде сөйлеу синтезі мен аудиодескрипцияны енгізуді ұсынды.
Естеріңізге сала кетейік, Қазақстан Орхус конвенциясына және БҰҰ Мүгедектердің құқықтары туралы конвенцияға қатысушы ел. Заң жобасы азаматтық сектор және сарапшылар қауымдастығының мүдделі өкілдерімен тығыз талқыланып жатыр.
Халықаралық сарапшылар «Масс-медиа туралы» заң жобасын талқылады
Астанадағы БҰҰ ғимаратында «Масс-медиа» туралы заң жобасы талқыға түсті. Еуропалық Одақ, БҰҰ өкілдері мен шетелдік сарапшылар заңнамаға қатысты өз ойларын ортаға салды.
БҰҰ-ның Қазақстан Республикасындағы Тұрақты үйлестірушісі Микаэла Фриберг-Стори, ЕҚЫҰ-ның Астанадағы бағдарламалар Офисінің басшысы Фолькер Фробарт, Литва Журналистер одағының төрағасы Дайнюс Радзявичус, «Құқықтық медиа орталық» қоғамдық қорының директоры Диана Окремова, т.б. сөз сөйледі.
Ақпарат және қоғамдық даму министрлігінің департамент директоры Жасұлан Өмірәлиев заңнаманың ерекшілігі туралы айтып, қатысушылардың сауалдарына жауап берді.