Жетісу облысы «Тіл» оқу-әдістемелік орталығының Ескелді аудандық филиалында Тәуелсіздік мерекесіне орай аудандық кітапхана ұжымымен бірге «Тәуелсіздік — елімнің ерлік жолы» тақырыбында кітап көрмесі өткізілді.
Көрменің басты мақсаты еліміздің тарихы, салт-дәстүрлері туралы мағұлмат беру, кітап көрмесі арқылы оқырмандарға ана тілі — әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры екенін түсіндіру болды. Тәуелсіздік күні – барша елге ортақ, жалпы халықтық мереке, біздің өткеніміз бен бүгініміз осы тәуелсіз мемлекетте өмір сүрудің үлкен бақыт екенін түсіндіру, құрмет тұту. Аталған шараға филиалдың тіл үйренушілері, тіл жанашырлары, желтоқсаншы ардагерлер мен аудан тұрғындары қатысты.
Сонымен қатар, филиалымыздың А1-қарапайым деңгейінің тыңдаушыларымен «Тәуелсіздік таңы» тақырыбында танымдық сайыс сабағы өткізілді. Танымдық сайыс сабағы ҚР Гимнімен ашылып, Ескелді аудандық тіл орталығының оқытушысы Назгүл Жұмаханқызы қатысушыларды мерекесімен құттықтап, сәттілік тіледі.
Сабақ барысында қатысушылар екі топқа бөлініп, сайыстың үш кезеңі бойынша өздерінің алғырлықтарын көрсеттті. Сайыс соңында өздерінің білімдерін жоғары деңгейде көрсеткен командаларды мадақтап, алғысымызды білдірдік. Аталған шараға филиалдың тіл үйренушілері, тіл жанашырлары, аудан тұрғындары қатысты.
А. Нұрбек,
Жетісу облысының
«Тіл» оқу-әдістемелік орталығының
Ескелді аудандық филиалының
меңгерушісі