Қазан айының 18-і күні Ескелді ауданы Қарабұлақ ауылы Ш.Уалиханов атындағы орта мектеп гимназиясында «Арай Білім» Ұлттық біріңғай тестілеуге дайындық орталығы ашылды.
Орталықтың ашылуына Ескелді аудандық білім бөлімінің басшысы М.Бектуров және мектеп директорлары, балабақша меңгерушілері қатысты. Ұлттық орталық мектептің 9,10,11 сынып оқушыларын дайындайды.
Бұл орталық дәстүрлі түрде тақта және бормен, цифрландыруды дамыту тұрғысынан заманауи материалдық-техникалық базамен жабдықталған. «Арай Білім» оқу орталығы негізгі пәндер мен таңдау пәндері бойынша дайындайды.
Олар: математикалық сауаттылық, тарих, оқу сауаттылығы және таңдау пәндері. Әр жұма күндері байқау сынама тестілеуі өткізіледі. Оқыту тілі –қазақ тілінде. Орталық -білікті,тәжірибелі, жоғарғы санатты оқытушылармен жұмыс жасайды. Білімнен қуатты күш жоқ, біліммен қаруланған адам жеңілмейді.
Күндіз-түні үнемі еңбек ету, мәңгілік оқу, оқуға әбден жаттығу, соншалықты өжет болу қажет…
Ол үшін әрбір сағат өте қымбат. Қымбат уақыттарыңызды текке жіберіп алмай, сапалы, саналы түрде білім алуға шақырамыз.
ЖШ Ақпарат