Ел мүддесін бәрінен биік қоятын, өзінен кейінгі ұрпаққа ізеттігін аямайтын қарттарымыздың орны біз үшін ерекше. Халықаралық қарттар күні аясында сөзі берекелі, ісі тыңғылықты, ойы терең ауыл қарттарына құрмет көрсету біздің басты борышымыз.
Осы орайда жылдағы дәстүр бойынша аудандық, ауылдық мәдениет қызметкерлерінен құрылған кестеге сай қарттарға рухани демеу көрсету, көтеріңкі көңіл-күй сыйлау мақсатында «Қарттарым-асыл қазынам» атты концерттік бағдарламасымен Текелі қаласындағы қарттар үйінде болып қайтты. Мерекелік бағдарламада ауданның дәстүрлі, эстрада әншілері тақырыпқа сай тамылжыған әндер орындап, қарттарға көтеріңкі көңіл-күй сыйлады.
Осындай игі шаралар Қаратал, Көкжазық, Қайнарлы, Жетісу, Бақтыбай, Алдабергенов, Ақын Сара ауылдық елді-мекендерінде жалғасын тапты.
А.Комекова, Аудандық мәдениет үйінің әдіскері