Ағымдағы жылдың 30 қыркүйек күні Ескелді ауданы бойынша білім бөлімінің ұйымдастыруымен аудандық мәдениет үйінде «Ұстаз – ұлы есім» атты тақырыпта мұғалімдер күніне арналған салтанатты іс-шара өткізілді. Мерекелік іс-шараның өтуі ZOOM платформасы арқылы және білім бөлімінің фейсбук парақшасында тікелей эфирі таратылып, ауданның барлық білім беру мекемелерінің қызметкерлері онлайн түрде тамашалай алды. Салтанатты іс-шара Бақтыбай Жолбарысұлы АОМ ұлдарынан құралған хордың орындауындағы әнмен ашылды. «Күншуақ» балабақшасының бүлдіршіндері би билеп, қонақтардың көңілін көтерді. Аудан әкімінің орынбасары А.Исабеков және аудандық мәслихатының хатшысы Қ.Сатанов ұстаздарды мерекемен құттықтап, марапаттау рәсімін жүргізді.
Мерекелік іс-шара барысында ауданның білім саласына еңбегін сіңірген бірқатар ұстаздар Оқу-ағарту министрінің Алғыс хаттарымен, облыстық білім басқармасы басшының Құрмет грамоталарымен, республикалық кәсіподақ ұйымының төс белгісімен, аудан әкімінің Алғыс хаттарымен марапатталды.
Облыстық «Жетісу ұстазы» байқауының жеңімпазы Алдабергенов АОМ мұғалімі Е.Степаненко және облыстық «Ұстаздар әулеті» байқауының «Ұстаздықты ұлық тұтқан әулиет» номинациясын иеленген Алдабергенов атындағы орта мектебінің Шумаковтар әулеті ақшалай сертификаттарымен марапатталды.
Аудан мектептері арасында «Ең үздік білім бөлімінің логотипі» байқауының жеңімпазы Шестаков АОМ мұғалімі Э.Жумагулова ақшалай сертификатымен марапатталды.
Аудан бойынша өткізілген 3 кабинет конкурсының қорытындысы бойынша ақшалай сертификаттарымен марапатталды:
1. қазақ тілінің үздік кабинеті — Балпық би АОМ мұғалімі Д.Қизатаеваның кабинеті
2. математиканың үздік кабинеті — Рүстембеков АОМ мұғалімі М.Байбатчаеваның кабинеті
3. бастауыш сыныптардың үздік кабинеті — Абай АОМ мұғалімі Ж.Сейдуалиеваның кабинеті.
Сонымен қатар, 2021-2022 оқу жылының ҰБТ қорытындысы нәтижесінде жүлделі I орынды иеленгені үшін Рүстембеков АОМ үй кинотеатрына сертификатпен және оқу жылы бойы оқушыларды дайындаған мектептің ұстаздары ақшалай сертификаттармен марапатталды.
2021-2022 оқу жылының рейтинг қорытындысы нәтижесінде келесі білім беру мекемелері жүлделі орындарға иеленіп, ақшалай сертификаттармен марапатталды:
- балабақшалар арасында:
I орын – «Айкүн» б/б;
II орын – «Балдырған» б/б;
III орын – «Айгөлек» б/б,
- бастауыш мектептер арасында:
I орын – Ақешкі БМ;
II орын – Екпінді БМ;
- негізгі орта мектептер арасында:
I орын – Жастар НОМ;
II орын – Мичурин АНОМ;
- орта мектептер арасында:
I орын — Алдабергенов АОМ,
II орынды — Жақыпбаев АОМ,
III орынды — Титов АОМ.
Іс-шара соңында келген қонақтарға арнайы дайындалған концерттік бағдарлама ұсынылды.
Ескелді ауданы бойынша білім бөлімі