Дүниедегі мамандық атаулының төресі-ұстаздық. Мұғалім барлық мамандық иесін тәрбиелейтін, оқытып-үйрететін мейірімді, абзал жандар. Сондай ұстаздың бірі Ескелді ауданы Жалғызағаш орта мектебінің физика пәнінің мұғалімі, Республикалық «Құрмет» граммотасы, «Ұлағатты ұстаз» төс белгісінің иегері Телемисова Айнахан Жумашқызы. Жалғызағаш орта мектебіндегі 34 жылдық жұмыс өтілінде талай шәкірттерін қанаттандырып, биікке ұшырды. 10 жыл мектептің кәсіподақ төрайымы болып қызмет атқарған. Шәкірттері облыстық, Республикалық пән олимпиаларының жүлдегері, өз тәжірибесін тарату мақсатында әдістемелік журналдарда үзбей мақалалары жарияланып тұрады. «Жаңаша оқыту», «Физика пәнінде жаңа әдіс-тәсілдерді қолданудың тиімділігі» атты еңбектері жарық көрген. Біз мектебіміздің мақтанышы, ұлағатты ұстаз Айна Жумашқызына зор денсаулық, шығармашылық табыс тілей отырып, келе жатқан мұғалімдер мерекесімен құттықтаймыз!
Жалғызағаш мектебінің ұжымы